pinga a pinga y acabes moyáu

314 Parques Temáticos

Esta aqui é a minha gravata
O doutor branco tem gravata e eu tamben tou colocando a minha gravata aqui
O jeito de vivência da… dos povos Kaiowas Guarani é difícil
O nossa religião que nós usa hoje trocou pela Bibra
Hoje trocou a nossa comida pelo arroz pelo outros
As nossas caças trocou pelos carne de caça, de criames, de vaca, boi, essas outras coisas
O índio invadiu a fazenda
a nossa arma é um baracá
a nossa arma é a boca
a nossa caneta é a flecha
Porque a pintura que nós se pinta isso é a nossa natureza, isso é a nossa origem que representa o mapa, que como o branco tem mapa escrito no quarteão, todo rascunhado…

313 Um sorriso, e o saco cheio*

• O vermelho é o negro - Stendhal
• O coração das trevas - Joseph Conrad
• A dama do lago - Raymond Chandler
• As viagems de Gulliver - Jonathan Swift
• A ilha do tesouro - R. L. Stevenson
• O jogador - Fiodor Dostoievsky
• O retrato de Dorian Gray - Oscar Wilde
• Madame Bovary - Gustave Flaubert
• O andróide e o humano - Philip K. Dick
• O declínio da mentira - Oscar Wilde
• O mistério de Ariana - Gilles Deleuze
• Sade, meu próximo - Pierre Klossowski
• O pintor da vida moderna - Baudelaire
• O retrato - Nicolau Gogol
• Histórias de almanaque - Bertold Brecht
• A dançarina de Izu - Yasunari Kawabata
• Opus Pistorum - Henry Miller
• O jardim das delícias - Xeique Nefzaui

Leituras de saldo para os meses que seguem.

* Não atender ao uso brasileiro [ou sim]

312 There will be dragons

Conozo esta tierra, conozo esti suelu, taba tan solu enantes de conocete, agora vi les tos banderes poles puertes de mármol de la gran ciudá, pero l’amor nun ye una marcha triunfal sinon un fríu y solitariu aleluya.
Aleluya, aleluya, aleluya, aleluya.

En tiempos cuntábesme lo qu’había dientro de ti, hoi la to boca nun fala, sabes que ye cierto, recuerdo los nuestros cuerpos vibrando a un tiempu col Espíritu Santu, y en cada alientu yera un fríu aleluya.
Aleluya, aleluya
aleluya, aleluya

Quiciabes heba un Dios arriba pero yo lo que deprendí del amor ye a disparar a quien m’amenaza pero nun ye un llamentu lo qu’oyes esta nueche nun ye la risa malvada de dalguién que vio la lluz sinon un fríu y solitariu aleluya
Aleluya, aleluya
aleluya, aleluya

311 Ye la política, babayos!

Tantu llibrín, tanta promoción, tanto convencer, tanta amabilidá, tanto tener una llingua adecuada, tanta mierda…. y eso ta mui bien pero equí lo qu’importa… Ye la política, babayos!.

Nun tenemos una ferramienta política, méxen perrriba de nós, y tovía hai quien teoriza que ye meyor nun la tener.

310 Tematización y Tokenismu

Tematización

Cuando un procesu de promoción nun tien realmente un oxetivu normalizador la llingua subordinada tiende a fomentase como un ‘tema’ o a difundise como un “focu d’interés” d’un grupu de persones que pue algamar cierta repercusión, sonadía y mesmamente reconocimientu social. A traviés de la tematización, que ye nesti sen una versión de la diglosia adaptada a les sociedaes modernes, acútase un papel pa la llingua venceyáu esclusivamente al ámbitu académicu o al de la creación cultural, dacuando con tola dignidá, honores y mesmamente recursos. Pero la estratexa de tematización refuga’l calter tresversal de la promoción llingüística ya intenta desvincular l’usu de la llingua de cualquier proyectu social compartíu, de l’adopción como llingua de les interaiciones sociales, o de componentes d’identificación de la comunidá; ye dicir, ye l’antítesis de la normalización anque pue xenerar un espeyismu d’ampliación funcional que ta llendada en realidá a ámbitos específicos nos que la llingua subordinada tien una vida virtual caltenida artificialmente al marxe del conxuntu de la comunidá y vaciada de les funciones propies d’una variedá estándar.
En situaciones nes qu’una alministración ensin voluntá normalizadora tien de xestionar un procesu de normalización la tematización ye la meyor estratexa de solución al problema, especialmente si existe llealtá llingüística na población, cierta demanda social y un movimientu normalizador con apoyu al que ye necesario face-y concesiones. A traviés de midíes concentraes nel ámbitu académicu y cultural, ufiértase una vía de difusión que nun se venceya a un procesu d’implantación, pero que paraliza en parte’l procesu de reivindicación de derechos ufiertando posibilidaes de promoción individual a los miembros de la vanguardia normalizadora, amenorgando la percepción de discriminación, y diliendo la llealtá llingüística que remanez de la concepción de la llingua como un componente identitariu compartíu por tola sociedá. La llingua subordinada tematízase; nun algama una entidá propia como vehículu de comunicación comunitariu sinón que se tresforma nuna disciplina más dientro del mundu cultural de la llingua dominante (cine, teatru, vanguardies artístiques, “llingua”…) y pue pasar de tener falantes y defensores a tener cultivadores y estudiosos .

El tokenismu

El conceptu de tokenismu podemos entendelu con dos acepciones mui distintes, una d’elles xenérica qu’axunta los usos temáticos o rituales, de los que yá falemos nos puntos (2) y (3), y otra específica consistente nuna estratexa de discriminación arbitraria y selectiva de los falantes de la llingua subordinada que busca torgar la fuercia del movimientu organizáu de defensa de la llingua minorizada y tapecer la conculcación de derechos. El tokenismu (Wright, Taylor y Moghaddam 1990) ye nesti sen una estratexa consciente, ye dicir, una política que s’aplica dende’l poder pa reducir el movimientu organizáu contra les práctiques discriminatories. Esti fenómenu básase na potenciación del prestixu d’individuos o colectivos pertenecientes al grupu subordináu ensin elevar el prestixu y la funcionalidá social del grupu nel so conxuntu, colo que se consigue que los miembros promovíos dende’l grupu dominante puedan perder la so capacidá crítica y de defensa del colectivu y la mayoría discriminada tienda a responder de forma individual en cuenta d’organizadamente.
Según los estudios fechos nesta materia polos autores citaos, cuando la discriminación de cualquier tipu, llingüística, étnica, de xéneru o racial, ye aplicada de forma xeneral a tolos miembros d’un grupu, ye probable que se produza una aición colectiva del grupu discrimináu na reivindicación de los sos derechos. Sicasí, cuando la discriminación s’aplica de forma selectiva o arbitraria, cuando nun s’aplica a una parte pequeña de los miembros del grupu minoritariu o discrimináu, o cuando nun se discrimina, o s’acepta, dientro del grupu dominante a una minoría del grupu subordináu, la respuesta tiende a nun ser colectiva; los miembros promovíos pueden abandonar la llealtá de grupu (evidentemente esto dependerá de la fuercia de les llealtaes y la cohesión, que tarán al empar condicionaes pola realidá social) y ente’l restu del grupu debilítense les aiciones colectives.

Fonte: “Llingua estándar y normalización llingüística” David Guardado Diez. Araz Llibros 2008

309 La llei de Godwin

• As a Usenet discussion grows longer, the probability of a comparison involving Nazis or Hitler approaches one.
• One of the most famous pieces of Usenet trivia out there is “if you mention
  Hitler or Nazis in a post, you’ve automatically ended whatever discussion
  you were taking part in”.

Aplicando y contextualizando la Llei de Godwin al casu asturianu, podemos enunciar dalgo asina como:

• Nuna discusión de chigre la posibilidá que dalguién que tea en contra de la oficialidá, normalización llingüística, respetu de los derechos civiles, … faiga algún tipu de comparación o insinuación rellacionada con ETA tiende a uno.
• Siguiendo’l puntu anterior podemos dicir que “en cualisquier discusión rellacionada cola llingua asturiana y la so situación social, xurídica, política, … si faes mención a ETA, automaticamente pierdes la discusión y esta acaba nesi momentu.”

308 Humor, política y desiertu

Yo fui católicu hasta que tuvi la capacidá de razonar. Cuéntame un amigu que durante’l debate sobre l’albuertu en Portugal hebo un personaxe que fexo unes declaraciones, dalgo tal qu’asina “lliberalización del albuertu non, penalización del albuertu non”, solo depués de que los Gatos Fedorentos garraran la pallabra munchos portugueses fueron a entender lo qu’aquel personaxe quería decir. Cruz y Raya, Los Morancos, … ¿dicen algo?

307 Diferencies

Mentras uns asinan Manifiestos por la lengua común, otros dan la cara.

306 Concentración

La Xunta pola Defensa de la Llingua Asturiana, y la so estaya de mocedá Xunta Moza, decidió esta mañana convocar una concentración de sofitu a los estudiantes encerraos nel edificiu hestóricu del Rectoráu de la Universidá d’Uvieo. La concentración va ser esti martes día 1 de xunetu a les 12:45 hores, delantre del propiu edificiu del Rectoráu, y ta entamada en coordinación colos estudiantes encerraos nesi sitiu. La movilización ye un actu de protesta pa desixir la equiparación del asturianu al restu de llingües nos estudios de la facultá de filoloxía, refugando la retrogada decisión del martes pasáu qu’eliminaba la llingua asturiana de la estructura d’estudios de la mencionada facultá.

Cola concentración los estudiantes encerraos y la Xunta quieren mandar un mensaxe claru, l’encierru nun va acabar hasta que l’equipu rectoral nun amuese una postura clara en defensa de la Filoloxía asturiana, y garantice que l’asturianu va tener unos estudios al nivel de les demás llingües. Esti encierru y la concentración nun son más que l’entamu d’una riestra de movilizaciones, amosando asina, tanto los estudiantes como la Xunta pola Defensa de la Llingua Asturiana, la so intención de caltener la presión sobre’l Rector Vicente Gotor pa que plantegue una solución a esti problema.

Nesti sen, los encerraos tán en contactu permanente col equipu rectoral llideráu por Vicente Gotor. Frutu d’esti contactu ye qu’encerraos y rector van tener esti llunes día 30 pela mañana una reunión pa buscar una salida a esta situación.

Otra manera, los estudiantes encerraos quieren agradecer la montonera de mensaxes de sofitu que tán recibiendo, tanto personales como d’organizaciones de tou tipu, y que los anima a siguir con esta protesta el tiempu que faiga falta. Piden a la xente qu’acudan a la concentración del martes qu’entra como muestra d’una sociedá asturiana que nun entiende nin acepta qu’un piñu de profesores decida facer desapaecer l’asturianu de la Universidá d’Asturies. Pola so parte la Xunta anima a los asturianos y asturianes a pasar pel edificiu hestóricu del Rectoráu de la Universidá n’Uviéu pa dar aliendu y ánimu a los encerraos.

305 Esta ye la cara que tien [Félix Fernández de Castro]

• Ana María Cano dimite como Decana de la Facultá de Filoloxía
• Coherencia, Xuan Bello
• “atracu a la sociedá asturiana nel so conxuntu”
• Esto, cola oficialidá, nun pasaba